फिल्म ‘फर्की फर्की’को छायाङ्कन मङ्सिर ११ गतेबाट सुरु हुने

काठमाडौँ । रोहित अधिकारीको निर्माणमा बन्न लागेको फिल्म ‘फर्की फर्की’को छायाङ्कन मङ्सिर ११ गतेबाट सुरु हुने भएको छ । निर्माता अधिकारीले फिल्मको मुख्य कलाकारको रूपमा माओत्से गुरुङलाई अनुबन्धित गर्दै फिल्मको छायाङ्कन मिति सार्वजनिक गरेका हुन् ।

फिल्म छायाङ्कन अगाडि गर्ने वर्कसप, प्रिपोडक्सन लगायतको तयारी भने सकाएको छ । निर्माता अधिकारीले फिल्म छायाङ्कन अगाडि नै वितरकसँगको सल्लाह अनुसार फिल्मको रिलिज जेठमा जुराएका हुन् ।

फिल्ममा अनमोल केसी, जसिता गुरुङ, माओत्से गुरुङ, नव–कलाकार द्वय रवि काफ्ले र समृद्धि अर्याल लगायतको अभिनय रहनेछ । फिल्मको निर्देशन सुयोग गुरुङले गर्न लागेका हुन् ।

निर्माता रोहित अधिकारीकै कथा रहेको फिल्मको छायाङ्कन काठमाडौँ, पोखरा, अन्नपूर्ण बेस क्याम्प र इन्डोनेसियाको बालीमा हुनेछ ।

रोहितका अलवा ओमप्रकाश अग्रवाल निर्माता रहने फिल्मको सह–निर्मातामा मनोज वली र राम न्यौपाने रहेका छन् । नरेन्द्र मैनालीको छायाङ्कन, रोमन बज्राचार्य, नरेन लिम्बु र अनमोल गुरुङको संगीत फिल्म रहनेछ ।