बैशाख १८, २०८१ / 2024-04-30
दुबई । युनाइटेड अरब इमिरेट्समा ७५ वर्षपछि आएको सबैभन्दा ठूलो वर्षाले सन्नाटा छाएको छ । कतिपय स्थानमा २५० मिलिमिटर सम्मको वर्षा करिब २४ घण्टा सम्म महसुस गरिएको स्टेट मिडिया अफिसले बुधबार जारी गरेको वक्तव्यमा उल्लेख छ ।
सो वर्षाले सडकमा बाढी आउनुका साथै रुख ढल्ने र भवनका छाना समेत फाटेका थिए । सन् १९४९ पछि मध्यपूर्वको यो देशमा वर्षाका कारण यस्तो हबिगत विगतमा कहिल्यै पनि देखिएको थिएन ।
मंगलबार करिब १२ घण्टाको अवधिमा १ सय मिलिमिटर सम्मको वर्षा निरन्तर भएको थियो । वर्षा यति चाँडो र यति व्यापक रुपमा आयो कि गाडीमा चढीरहेकाहरु गाडी छोडेर कुदेका थिए ।
किनकि बाटोमा बाढी आइसकेको थियो । जलवायु परिवर्तनका कारण पछिल्लो समयमा यसखालको वर्षालाई स्वाभाविक रुपमा नै लिने गरिएको छ । विश्वकै दोस्रो सबैभन्दा व्यस्त मानिने दुबई एयरपोर्ट बुधबार समेत आंशिक रुपमा अवरुद्ध भएको थियो । अधिकांश बिमान कम्पनीले त्यहाँका उडान रोकेका थिए ।
अर्को खाडी देश ओमानमा आएको बाढीमा १८ मानिस मारिएका छन् । (सीएनएन)
.gif)
